LA CULTURA OCCITANA ES A TOT LO MOND !

Publié: 17/11/2011 dans Cultura pop!

Intro: L’occitan est une langue latine. L’éducation nationale nous éduque dans le mono-linguisme forcené, nous pensons qu’avec un peu d’effort à l’écrit l’occitan est inter-compréhensible. C’est pour cela que de temps en temps nous mettrons des articles uniquement en Occitan. Si vous voulez des précisions sur tel ou tel mot n’hésitez pas à nous le dire. C’est un exercice comme un autre d’ouverture d’esprit! Bonne lecture.

 La lenga Occitan es venguda recentament patrimòni de França, aquela vision conservatritz, musèista va en contra de la vision populara de l’idèa de cultura que nos fasèm a Libertat!. La cultura es l’expression creativa, uèi lo jorn, d’un pòble e del pòble pas una vielha pèira reirala. Exigissèm la reconeissença oficiala de la lenga non pas per institucionalizar la causa mas per nos tornar donar los instruments de sa subrevida.

 La nòstra cultura es fòrça viva! Malurosament encara denegada e oblidada dels mediàs oficials e franchimands. Cap a-n aquela situacion un fum de mond prepara las basas de nòstra renaissença culturala. Una novèla generacion avança amb l’idèa de bastir una cultura, una identitat del futur per l’occitan e los occitans. Pendent una pausa, la lenga nòstra donèt l’image d’una causa vièlha e trista , quicòm s’acaba fin finala. Al jorn d’uèi tot aquò a cambiat d’un biais inesperat, malgrat la situacion lingüistica, fòrça grèva, la cultura nòstra crèa sos instruments de sa subrevida! La generacion novèla a pas paur de far causas de qualitat e modèrnas ! Lo collectiu dètz.tv es l’exemple de tot aquò, vidèos de qualitat, dinamicas, joves e amb umor. Piget produccion dins lo registre dels documentaris fan quicòm d’excepcional per l’image nòstre. Parlarem pas de musica tan meritariá un article entièr tant i a creaccions ricas e engatjadas. Trobam tot çò que volèm en occitan del punk de gojats of hèdas o encara Enlòc, a la musica radicala alternativa de la Familha Artus e Hitilh o del slam mesclanha amb Lou Dàvi e plan segur lo ragga balèti amb los de Mauresca. Podèm trobar tanben, fòrça grops de musica trad de qualitat (sèm de Caurs), de polifonia famosa (lo còr de la plana) e los incontornables grops de rocks de las Valadas Occitana (Estat italian) coma Lou Dalfin, Lou seriol. La musica es vertadièrament la nòstra identitat e es coma los occitans, mesclada, dubèrta, viva, una musica del futur dins una lenga antica! Mas l’expression culturala intègra los domenis totes, lo teatre amb la Rampa tiò, l’espectacle comic amb Padena, la literatura rica mas mal difusada, l’espectacle per carrièra amb la POP (police occitane de proximité) e lo cinèma amb per exemple lo film “Il vinto fa il suo giro” primat al festenal de Roma.

Lo gran degrèu es plan segur l’excepcion francesa que promòu la popstardizacion capitalista de la cultura cada jorn a la ràdio, a la tv, al cinèma e daissa la cultura nòstra dins un ghetto. O sabèm la volontat es d’evitar un revolum de la question Occitana, a la diferéncia de la cultura oficiala francesa elitista la nòstra es populara e a pas paur de se confrontar a d’autres pòbles, lengas e culturas. Mai d’un festenal liga Occitània e l’amazigh, Brasil o encara Bretanha.

E sustot donc al nivèl dels mediàs que vesèm que sèm encara jos la copa de Paris, malgrat ràdios associativas en òc, la television se contenta amb 20 mn per setmana sus frança 3, que pòrta plan son nom. Partirem pas sul registre de l’anti democratic mas o sabèm plan nosautres occitans, França a pas descolonizat sa practica e son Estat. Urosament la relativa libertat del web dubrís un novèl espaci interessant. Mas, segur, la television es de l’òrdre del simbòl perque es lo primièr instrument de propaganda. Devèm contunhar e crear  instruments novèls de comunicacion e d’informacion de qualitat e sustot portar una vision autra del monde que lo jornalet de TF1. Un païs es a bastir, lo volèm emancipat, progressista, viu e dinamic !

Tot aquela dinamica es frenada per la manca de mejan financièrs; lo desvolopament de la lenga occitana, lo terrador necessari a la reconquista del païs, es somés a la volontat parisenca. Tan que durarà la centralizacion de l’Estat serèm totjorn a mendicar subvencions. Lo movement popular occitan es de mai en mai fòrt mas sens lo poder de far las leis e mestrejar los sòus serem totjorn dins l’androna per salvar la lenga. Es perque, per aquela causa entre autre que lutam per l’autonomia. Sens autonomia culturala e doncas politica, la lenga es condemnada a grepir e la nòstra cultura poirà pas tornar trobar sa plaça dins lo mond entièr !

Ara sul blòg libertat! Tolosa/Lengadòc aurem una novèla partida “Cultura pop” per difusar, ensenhar, far coneisser lo mond Occitan, Occitània e sa VIDA VIDANTA !

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s